:::: ** :::: المُــــر و الشَّهــــد :::: ** ::::

يعنى خلاص ..
الدنيا بَقِــت كُلها عُشاقـ ؟!!
والكُلْ خلاص أصبح عَلَّامَة فى بحر الحب وفى الأشواقـ ؟
والكُل بيشكى من حاله وم اللى جراله
والكُل بيبكى خَلاص دِلوك فى لقــا وفُراقـ؟؟!!
الكُل حَدَاكُوا يا ولدى خلاص أصبح مُشتاقـ ؟؟!!
والشوقـ فى عينيكو صَبَح لوعَة .. واللوعَة بقــت فى حَنَاكو مَرار
والمُر كَمَان راح ينْخُر دلوك فى عِضَامكُو
طب ميتى المُر ياولدى عرفتوه
ولسه حَالكُو صغَّار ؟
المُر ياولدى ما يدُّوقــه .. إلا اللى داقـ الشَّهد
والشَّهد .. فى العشقـ يا ولدى / كيفُه كِيفْ السِّمْ
شايل حمُولِة هَمْ
وبيجرى جوه الدَّمْ
لجل ما يُنفُضَّها فى الحِتَّـة الصَّافية فى قـَـلب ضُلُّوعَك
ويصيب الوبَّا جِتِّتك
وساعتها ... هتحط عليك لعنِتَّها
والمُر / لازماً هتدُوقُه
ولازماً كمان راح تِشْـرَبه دَمعِتَك
والعِشقـ يا ولدى يبقــى خَطِّية
وهتبقى فى نظَّر الناس خاطى
ومهما تطاطى .. لا هيرحمُوك ولا ينسُّولك ياولدى
وتعيِشْ بعارك باقــى العُمر
والعُمر يفوت ويا التِّرحَال
والرحلة فى عينتيها يا ولدى ... مرَّار
والمُر ياولدى ما يدُّوقــه .. إلا اللى داقـ الشَّهد
وعينتيها الشَّهد ياولدي .. عينتيها الشَّهد
:::::
:::
:
ثم ذَرَّفَت عَينَّاي جَدِّي دمعةً
وأنتهى الحديث