ضحكتنا

موضوع: ** ضحكتنا ** الأحد فبراير 14, 2010 4:11 pm

السلام عليكم و رحمة الله و بركاته

النهاردة اول توبيك انزله من زمان حبيت انه يكون توبيك خفيف و لذيذ

و قريب منا كلنا

و التوبيك عن ضحكتنا

لو كل واحد فينا فكر فى الضحكة او الابتسامة هيلاقى انه عنده انواع كتيرمن الضحكات و الابتسامات

الى بتصدر منه فى المواقف المختلفه

مثلا

عندنا (ضحكة الامل )
[ندعوك للتسجيل في المنتدى أو التعريف بنفسك لمعاينة هذه الصورة]
و دى من ارقى انواع
الضحكات او الابتسامات دى بقى لما بتبص فى عين الى بيضحكها بتلاقيها بتلمع
و مليانه امل و فرح و دايما نلاقيها فى مواقف النجاح او الافراح او مثلا
لما بتشوف ابنك او بنتك لاول مرة

فى كمان الضحكة ( الصفرة او الخبيثه )
[ندعوك للتسجيل في المنتدى أو التعريف بنفسك لمعاينة هذه الصورة]
و دى عندنا كلنا و محدش ينكر و بتصدر منا فى مواقف كتير

مثلا لما بتكتشف ان الى قدامك بيكدب عليك او بيأفلم عليك او بيحاول يستدرجك عشان تقوله حاجة معينه

فى بقى( ضحكة الحزن)
[ندعوك للتسجيل في المنتدى أو التعريف بنفسك لمعاينة هذه الصورة]
و دى بتيجى كدة فى وسط
الزعل او فى وسط لما بتكون حزين و تلاقى حد جه وقف جمبك و يكلمك و يقولك
ما تشلش هم و يرجع يدفع الامل جواك من تانى و كمان ياخدك فى حضنه ساعتها
تقوم تبتسم ابتسامة كدة

الى هو فينك من زمان

فى عندنا( ضحكة المجامله)
[ندعوك للتسجيل في المنتدى أو التعريف بنفسك لمعاينة هذه الصورة]
و دى الضحكة الى لابد منها يعنى بتكون مضطر ليها مضطر انك ترسم الضحكة على شفابفك غصب عنك

مثلا لما يكون فى ضيوف جايين ليك و انت مش عايز تقابلهم و مالكش مزاج حاجة طبيعيه

لكن
غصب عنك هيجوا و غصب عنك هتضحك فى وشهم ممكن كمان نضحكها لما واحد صحبك
يقول نكته و هى ما بضحكش بس هتضحك يعنى هتضحك او بيحكى ليك موقف ما
بيضحكنيش بس مضطر بردواضحك يعنى من الاخر

المجاملين بيضحكوا ........

و احنا معاهم

فى بقى الضحكة الى هى ( الكركرة )
[اخي العزيز ،، يتوجب عليك اضافة رد لرؤية الرابط]

الى هى دى لما بنضحك و
بننسى الدنيا و ما فيها لدرجة انك ساعتها ما بتقدرش تقفل بوقك من كتر
الضحك و بيكون وجعك و عايز تقفله و مش قادر و عينينا بدمع و وشنا بيحمر و
ساعات ممكن نوقع على الارض من كتر الضحك و معدتنا بتوجعنا الى هى من الاخر
الضحكة الى ممكن تموت من الضحك ( و من الضحك ما يميت )

بس اوعوا تنسوا ان كل واحد فينا ليه ضحكة مميزة بيه
فى الى ضحكتهم بتكون حلوة و فى الى رقيقه و فى الى مش رقيقه ابدااااااا و فى الى صوتها عالى و فى الى صوتها واطى

يعنى بتكون مختلفه من شخص لاخر كل ضحكة و ليها tone معين و degree معينه

ربنا يديم علينا السعاده و الفرح و يجعل الضحة مرسومة دائما على شفايفنا

ولا تنسى ان ( ابتسامتك فى وجه اخيك صدقه )

التوقيع:

فى بقى( ضحكة الحزن)
[ندعوك للتسجيل في المنتدى أو التعريف بنفسك لمعاينة هذه الصورة]
و دى بتيجى كدة فى وسط
الزعل
او فى وسط لما بتكون حزين و تلاقى حد جه وقف جمبك و يكلمك و يقولك
ما
تشلش هم و يرجع يدفع الامل جواك من تانى و كمان ياخدك فى حضنه ساعتها
تقوم
تبتسم ابتسامة كدة

[ندعوك للتسجيل في المنتدى أو التعريف بنفسك لمعاينة هذه الصورة]

** ضحكتنا **

ضحكتنا