وائل السمرى يكتب: حينما هتف شباب مصر.. ألطمى يا أم شاليط شباب مصر بيمشوا ع الحيط.. وصوتى يا أمو مائير شباب مصر طلع بيطير..

[ندعوك للتسجيل في المنتدى أو التعريف بنفسك لمعاينة هذه الصورة]

قرب قرب قرب قرب.. مصر تتحدث عن نفسها، أكتب يا تاريخ، أشهدى يا جغرافيا، المكان أمام كوبرى الجامعة، والزمان فى الساعات الأولى من صباح يوم الأحد 21 أغسطس، ويا للعجب 21 رمضان برضه، إلى من يبحث عن الفرح والسرور قبل ما ييجى وقت السحور، أروى قلبك يا عطشان، بنسايم النيل والحرية كمان، إلى من غضب من التبجح الإسرائيلى، وإلى من "أتفقع" من عصام شرف وبياناته التى اكتشفنا أنها مسودات، وإلى من حلم بتنكيس العلم الإسرائيلى وإنهاء حالة اللاسلم واللاسلم التى كنا نعيش فيها، هنا أحمد الشحات، أمل المصريين والمصريات، هادم ملذات الإسرائيليين، ومحطم قلوب الملايين، ابن الشرقية البار، عاشق الحرية المغوار، أحمد الشحات شو، مصرى أصلى.. أم الأجنبى، شعبى جدا.. أم الرسمى، أحمد الشحات مش بتاع حركات، أحمد الشحات بتاع مغامرات، لا تقولى أمريكانى ولا صينى، أحمد الشحات هو عزيز عينى، نسر مصرى شق السما بجد مش فى مسرح أضواء المدينة، فاتك نص عمرك يا اللى ما شفت أبو حميد، واللى مشفتش سبايدر مان المصرى يبقى معاداش على مصر.

أيها العالم، قف انتباه لأحمد أبو حميد، أيها النتنياهو أنزل على ركبك، أيها الواقفون تحرسون الصنية فى ميدان التحرير إليكم هذه الأغنية "يا أبو الصنية النجيلة.. مش هتبقالك.. نزلنا علم إسرائيل.. خليك بقى فى حالك"، وأيها الصاعد إلى سماء الحرية أحمد الشحات عبد الفتاح صقر إليك هذه الأغنية "الصقر المصرى شق السما وطلعة طلعة آخر معلمة.. والسفارة ولولت.. آآآه.. والدنيا اتشقلبت.. آآآه.. والناس الكخة خرست.. والفلول أتبرجلت.. الله أكبر.. الله أكبر"ويا" أحمد أفندى رفعت العلم وطولت راسنا بين الأمم".

إلى الفلوليين والفلوليات: أحمد الشحات طلع العمارة وانتوا قاعدين.. أحمد الشحات شال علم إسرائيل وحط علم مصر، وانتوا قاعدين، إلى ثوار يناير العظام: فعلا أثبتوا أنه مع الثورة مش هتقدر تغمض عينك، وكما قال شباب الفيس بوك المتألقين دوما إلى الموساد وجيش الدفاع الإسرائيلى "لموا الدور مع المصريين اليومين دول..دول بيمشوا ع الحيط"، و"صوتى يا أم شاليط.. عندهم ناس بتمشى على الحيط.. صوتى يا أم مائير.. الدور بكره على السفير.. صوتى يا إسرائيل الشباب فى مصر بتطير"، وكما قلتم فأوجزتم ثم أعجزتم ثم أنجزتم: إذا كان الإسرائليون يفخرون بأن لديهم طائرة بدون طيار فمن حق المصريين أن يفخروا لأن لديهم طيارين بدون طائرات.

الفلول حائرون يتساءلون يفكرون أحمد الشحات من يكون: وإليكم الإجابة: الشحات مندس من الأصلى حتى بالأمارة فى اسمه أحمد الشحات عبد الفتاح سيد صقر، يعنى المؤامرة مكشوفة، بدليل أنه بيطير وآخر اسمه "صقر" وكما قال زعيمكم الأرعن "عمور حنتفة، هتلاعبنى بالكلام هلاعبك، وأمن الدولة تمتلك أدلة على أنه تلقى تدريب فى "الزقازيق الشرقية"، ودى بعد صربيا البلد بمحطتين، وإليكم دليل ثالث وهو أنه مثله مثل كل ثوار يناير مواطن عادى غير مُسَيس ولا ينتمى لأى تيار سياسى، وقد اعترف المندس بأنه ظلل يفكر ويفكر ويفكر لمدة 4 ساعات حتى خطط ونفد واتنطط فوق السفارة الإسرائيلية، وخذوا إليكم هذا الدليل الدامغ على أنه عميل ماسونى حلزونى مفتكس، وهو أنه نط من فوق الدبابة وطلع ولا همه لا من قناصة ولا من رصاصة، وتناقل البعض أن الشحات يتقن الأجبشن لنجوتش، ولذلك قال ارفع راسك فوق أنت مصرى.

وأكد شباب الفيس بوك والتويتر والعياذ بالله أن عمرو حنتفة قال: الشاب اللى نزل العلم الإسرائيلى سمع إعلان كوكاكولا افرد جناحك وطير فى السما، وده بيأكد كلامى عن المؤامرة هتلاعبنى بالكلام حلاعبك"،بينما غنى آخرون: "قولوا لعين الشمس ماتحماشى، أحسن سفير الصهاينة راجع ماشى"، وقارن بعضهم بين جيل مبارك وجيل الثورة قائلين، إن و"جيل مبارك كان بيمشى جنب الحيط.. وجيل الثورة بيمشى على الحيط"، بينما تنبه آخرون إلى المثل الشعبى القائل: و"قاله يا سفير ليه مانسحبتش قاله ملاقتش حد يسحبنى"، بينما أرسل البعض الآخر رسالة إلى الفريق أحمد شفيق المرشح المحتمل لرئاسة الجمهورية قائلين: بقى كنت عاوز تخللى ميدان التحرير هايدبارك، أدينا خلينالك سفارة إسرائيل فشر كوكى بارك، سلملى ع الفلول.

لقد انزعجت منه يانجم انه تكلم بالضبط كيف صعد وكيف انزل العلم يعني بكل بساطه قال لهم خدوا بالكم انا عملت كدا عشان يخدوا خذرهم من هذه الجهه ..هو بطل لاشك وانا احييه ولكنه اغلق الباب ان يكرر غيره ما فعله هذا البطل ..كشف رئيس وزرائنا ريختر الذي اهتز والمجلس اياه علي واحده ونص واصبحت مصر خاوية فجاءة من الرجال ..وياتي احمد ليعيد لنا الايمان اننا لم نزل بعد من اصناف الرجال الذي لم ينقرض بعد .. شكرا علي موضوعك الجميل مثلك ..دمت لنا والسلام ..

بكل بساطه سطر هذا الشاب مشهد دراميا استعاد المصريون ذاكره حرب التحرير والعبور

ورفع العلم علي بارليف نعم تحررت سيناء ورحل المغتصب ولكن اغتصب قطعه من الارض في قلب القاهره ومطله علي النيل

لست عاتبا علي المجلس العسكري فانا اعلم وعندي ثقه ان رده سيكون مزلزل وحازما مع العدو

ولكن ما اثار غضبي هو التراجع عن سحب السفير من قبل الحكومه

مصر الان في مرحله اعداد قوه في مرحله وأعدو وانا اعلم ماذا اقول

المواجهه تقترب من وقت الي اخر

نحن لها نحن لها

عقب
تسلق الشاب المصرى أحمد الشحات عمارة السفارة الاسرائيلية ووضع العلم
المصرى بدلآ من العلم الاسرائيلى بدأت التعليقات الساخرة على الحدث على
صفحات الفيس بوك وتويتر للسخرية من اسرائيل والاحتفال بهذا الحدث
اليكم بعض التعليقات :-
· جيل مبارك كان بيمشي جنب الحيط.. لكن جيل الثورة بيمشي ع الحيط.
· صوتي يا أم مائير شباب مصر بيطير.
· الطمي يا أم شاليط .. شباب مصر بيمشى عالحيط.
· متحدث اسرائيلي: لا صحة لإشاعات رسم العلم المصري علي بوكسر نتياهو.
· الصهاينة بيستوردوا دلوقتي بامبرز من كل الأحجام لأنهم مش قادرين يسيطروا على الموقف.. اتبرع و لو بواحدة فرط حجم صغير.
· فريد الديب: الرئيس مبارك هو المتسلق الحقيقي للسفارة.
· مرتضى منصور: اللي تسلق السفارة ده محامي عندي في المكتب وتأثر بأفكاري السياسية وعندي السيديهات بتاعته.
· طلعت زكريا: أنا شفت متسلق السفارة بعد ما نزل والليلة خلصت في كباريه في شارع الهرم وبيعمل علاقات جنسية.
· سبيدار مان المصرى.... أم الأجنبي.
· يا منزّل علم الصهاينة ورافع راس بلادي ومفرح أم الشهيد وحتاخد تار ولادي.
· ياطالع العمارة ومبهدل السفارة وكابس الأعادي: تسلم الأيادي.
· عذراً نيوتن.. المصريون لا يعترفون بقانون الجاذبية.
· اللي يتاخد علمه من على سفارته ممكن يتاخد منه أي حاجة.. آآآآي حاجة.
· السفير الإسرائيلي: ضحينا بالعلم عشان السفارة تعيش.
· اقتراح انشاء سلاح جديد في الجيش اسمه سلاح العناكب فرقة اللواء أحمد الشحات.
· السفير الاسرائيلي اتصل بعصام شرف وقاله وهو منفعل: ينفع وقفة الشباب قدام العمارة وفيه حريم طالعة ونازلة
· اسرائيل عندها طيارات بدون طيارين واحنا عندنا طيارين بدون طيارات.
· يعني ايه البت تقولي مش حاتجوزك إلا لو جبتلي علم اسرائيل من فوق مبني الأمم المتحدة؟؟!!! منك لله يإللي في بالي.
·
طيب يعني رشيناكو بميه وضربنا قنابل دخان ورصاص مطاطي ورصاص حي وممتوش،
كمان طلعتو 14 دول ونزلتو العلم!! مفيش حد قادر عليكو؟لا مفييش.
· المفروض يحطو صورة الراجل اللى شال العلم على الجنيه.
· الفول المصري بيعطيك جواانج.
· هما لسه شافوا حاجة؟ ده كريم عبد العزيز هينفخهم في ولاد العم.
· لو سمحت يابنى هى سفارة اسرائيل فين؟ اهى يا حاج اللى عليها العلم المصرى.

» اعترافات جولدا مائير رئيسة وزراء إسرائيل السابقة
» الواد نطاط الحيط اتجنن
» البوم شخبطة على الحيط 2011
» محمد حماقى - شخبطة ع الحيط 2011
» شاليط والفشل الاستخباراتي الإسرائيلي