The FIRST KNIGHT
عضو ذهبى
عدد المساهمات : 1109
تاريخ التسجيل : 30/07/2009
العمر : 43
 |  موضوع: بحبك يا ريس الأربعاء أغسطس 12, 2009 11:03 pm | |
| بحبك يا ريس
وحبك يا ريس *** معكنن عليــــه
مقطعلى قلبى *** مطلع عنيــــه
سيبونى فى حالى *** وبيا اللى بيه
دا كل اللى لية *** محرم عليه
عشان حاجة واحدة
عشــــــانك يا ريس
*********
بحبــــــــــك يا ريس
دى كلمة قالوها *** زمان من سنين
وكل اللى قالها *** مطـيـن بطـيـن
يا سارق فلوسنا *** يا كاتم نفوسنا
يا واكل عرقنا *** برجلك دايسنا
ولســـــه بحبك *** واحب اللى حبك
وباحلف هاحبك *** واحب اللى جابك
فى يوم اغبر علينا ريس
*********
مبارك يا ريس *** عليــــك البــــلد
لابنـــك وابنــــه *** وولد الولد
سوزانك سوزانا *** جمالك جمالنا
علاءك علائنا وبكرة وبعده وطول الامد*********
غباءك يا ريس *** ملوش حل خالص
وسايق ف الهبل *** وكلامك هجايص
ولولاك يا ريس *** مكنشى دا حالى
وحال كل مصري *** مدروخ ولايـص
*********
قالوا العيشة حرة *** وهي العيشة مرة
ومش مـــر عادي
دا صبرك يا ريس *** ممرر بلادى
واسعار بترفع *** ماتنزلش مرة
وباين علينا *** هنطلع لبرة
رغيفك يا ريس *** بيصغر ما يكبر
وسعره يا ريس *** بيرفع ماينزل
سألنا دا ماله *** قالولنا الحديد
وايه العلاقة *** بسعره الجديد
تكونش يا ريس *** لغيت الدقيق
وبتطحن بداله *** برادة حديد؟
مهو انت اللى عارف *** وسامع وشايف
جمالك قشــطنا *** وعز اللى خاننا
وولـــع بلدنا *** برفع الحديد
*********
ماتصحى ياريس *** وصحى البلد
هنبقى يا ريس *** كمالة عدد
ف وسط العوالم *** وشعبى اللى هايم
وكبته اللى دايم *** وقرشه اللى عايم
هنبقى يا ريس *** كمالة عدد
واقولك واعيدلك *** لأنى بحبك
نصيحة فصيحة *** نصيحة مريحة
لبلدى وبلدك *** ماترحل يا ريس
ليه دايما متيس *** ودايما مهيس
مترحل بقى
وخد لي ف وشك *** جمالك . مش باغشك
علاءك .. سوزانك *** شريفك .. سرورك
نظيفك .. كمالك *** وعزك .. دا خانك
خدهم وانصرفوا *** أشـــتاتآ أشتوت
خدهم وانصرفوا *** لحسن حانموت
ارحل بقى
ارحل بقى
مترحل بقى
مترحل بقى | |
|
senyoureta
Admin
عدد المساهمات : 3953
تاريخ التسجيل : 01/07/2009
| | موضوع: رد: بحبك يا ريس الأربعاء أغسطس 12, 2009 11:47 pm | |
| والله هنروح في داهيه جميله يانجم تسلم الايادي تم التثبيت | |
|
telenet
Admin
عدد المساهمات : 10533
تاريخ التسجيل : 26/06/2009
الموقع : kelmah.own0.com
| | موضوع: رد: بحبك يا ريس الخميس أغسطس 13, 2009 1:57 am | |
| | |
|
nogom_net
عضو ماسى
عدد المساهمات : 5552
تاريخ التسجيل : 30/06/2009
| | موضوع: رد: بحبك يا ريس الأحد أغسطس 16, 2009 7:56 pm | |
|
الف الف الف شكر ليك موضوع رائع
| |
|
The FIRST KNIGHT
عضو ذهبى
عدد المساهمات : 1109
تاريخ التسجيل : 30/07/2009
العمر : 43
| | موضوع: رد: بحبك يا ريس الجمعة أغسطس 21, 2009 5:11 am | |
| | |
|
