ازاى احبك يا بلد وانتى مش حبانى

إزّاي احبّك يا بلد وانت مش حبّاني
إزّاي اعيش واموت واندفن في أرض رفضاني
بنام وأحلم ببكرة ألاقي بكرة زوّد أحزاني
آه يا بلد لو بإيدي كنت أهدّك وابنيكي من تاني
بيقولّك تعديل دستوري إحنا عايزين تعديل إنساني
كلّ إنجازات البلد أنفاق وكباري
بلد بتموت وشعب في حالة سكوت وكأنها لعبة أتاري
من كتر الظلم والضلمة بقول ياريت أيّام الملك والانجليز ترجع تاني
آه يا بلد مليت بحبّك الدفاتر مع العلم إنّك قتلاني
مين اللي قال إن عبّارة السلام غرقت
ومين اللي قال إن ممدوع إسماعيل قاتل وجاني
اللي غرقت مصر واللي غرق ما بيطلعش حيّ تاني
هو يطلع من صالة كبار الزوّار وأنا اتحبس
في سجن المطار واتعرض على البحث الجنائي
أنا اللي من صغري اخترتك سكّتي أتاريها سكّة أحزاني
أنا اللي من صغري اخترتك كلمتي ألاقيكي مقيداني
آه يا بلد نفسي قبل ما أموت ألاقي زمانك وزماني
إتغرّبت أكتر من سبع سنين ورجعت لاقيت الغربة هنا شكل تاني

بلد بتعاني بكل المعاني بكياني وانا أملي أحسّ بكياني
عشرين سنة مخلص محبوس بين جدران دكّاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي ربّاني
بكرة نتحاسبو علي السكوت وعلي العيشة العمياني
إبني مكمّلش سنتين نايم جنب منّي
بيشد في شعري ويحطّ صبعه في وداني
ويضربني بالقلم ولسان حاله بيقول ليه يابا خلّفت تاني
وأنا في سري باقول ياريتك يا أحمد يابني ياباني إبن ياباني
مع إن وجودك في الدنيا عمل فيّا وخلاّني
أحبّ البلد أكتر وأهدّ جدران دكاني
شيخ الازهر بيقول المعارضة حرام وانا نفسي
أعرف إيه الحلال في بلد المليون حرامي
وحياة عمّتك البيضة وكاكولاتك البدنجاني
قول لنا رأيك بالمرة في التعذيب في السجون
والغشّ والنّهب والتزوير في الانتخابات والمعونة الامريكاني

بلد بتعاني بكل
المعاني بكياني وانا أملي أحسّ بكياني
عشرين سنة مخلص محبوس بين جدران
دكّاني

هنروح فى دهيه

تسلم يانجم ربنا معاك

Admin عدد المساهمات : 3953 تاريخ التسجيل : 01/07/2009

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله ماشاء الله
انشاء الله أمن دوله
كل الى فى الموضوع ده
هايدخل أمن الدوله
بس الموضوع ده كويس اوى يامان
تسلم ايدك بجد
مشكووووووور
تقبل مرورى

.

المهندس كتب:: بسم الله ماشاء الله
انشاء الله أمن دوله
كل الى فى الموضوع ده
هايدخل أمن الدوله
بس الموضوع ده كويس اوى يامان
تسلم ايدك بجد
مشكووووووور
تقبل مرورى

.

ولايهمك يامهندس
امن الدولة للجدعان
شرا لمرورك العطر

» ازاى تخنق مراتك
» ازاى تخالى البنات تحبك
» ازاى تعرف اسم والدتك بطريقة علمية !!
» اصـدارين من اللعبه الممتعه ازاى تخنق مديـرك فقط على كلمه +عدة سيرفرات
» حصرى جدا من نجوم نت اللعبة الروعة المنافسة ازاى تخنق جارك The Sims II Pets بحجم 800 ميجا على سيرفرات سريعة