كيف تتعرف على المصرى

كيف تتعرف على المصري؟

المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجي بعد معاده بساعتين ويفتكر إن ده عادي

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة في العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

اتمنى ان يكون اعجابكم ............

Admin عدد المساهمات : 3953 تاريخ التسجيل : 01/07/2009

هههههههههههه
ايه الجمال ده ياميزوووووو

بجد شكر ليك يانجم
وفي انتظار المزيد

[ندعوك للتسجيل في المنتدى أو التعريف بنفسك لمعاينة هذه الصورة]

senyoureta كتب:: هههههههههههه

ايه الجمال ده ياميزوووووو

بجد شكر ليك يانجم

وفي انتظار المزيد

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليكى سنيوريتا وعلى مرموك الدائم وانتظرى المزيد

[ندعوك للتسجيل في المنتدى أو التعريف بنفسك لمعاينة هذه الصورة]

- بيفهم في الطب ويشخص المرض ويوصفلك الدوا
وبيفهم في النقاشة والكهربا وتصليح العربيات والطبيخ والسياسة والكورة وهو
أبيض ياورد

- بيحط الريموت كونترول في كيس بلاستيك كعادة فرعونية

ومال يحافظ على الريموت ازاى ده ابتكار يابنى

الف شكر ليك ياكنج مجهود مميز جداااااااااااااا

الف الف الف شكر ليك موضوع اكثر من رائع تسلم الايادى

» لما البنت لما تكون عاوزة تتعرف عليك شوف بتعمل ايه؟؟
» عرض خيالى من المصرى لخطف عبد ربه قبل الزمالك
» "أهل كايرو" على التليفزيون المصرى والأوربيت
» صور مضحكه جدا للمنتخب المصرى مش هاتقدر تبطل ضحك
» من طرائف الصارع المصرى تعالى هيس معايا