مواقف تسخسخ من الضحك

[ندعوك للتسجيل في المنتدى أو التعريف بنفسك لمعاينة هذا الرابط]

مرة كنا قاعدين بنتفرج على ماتش الأهلى و كوتوكو في غانا اللى خلص صفر صفر ده في القهوة ..

و القهوة كانت مليانة ناس .. و في الماتش ده بالذات كانت مليانة أوي ..

و على مسافة 2 سم مني كان هناك جسم غريب اسمه ودن الراجل اللى أدامي ..

و الماتش ده انا كنت جايب آخري من أسامة حسني ..

ضيع كورة سهلى خالص في الشوط الأول روحت جاي مزعأ جامد أوي في ودن الراجل اللى أدامي .. قال جرى إيه يا عم وطي صوتك و اقعد باحترامك ..

أنا : آسف يا باشا ..

شوية كمان فلافيو كعادته في الموسم ده ضيع كورة سهلة أوي برده .. رحت جاي رافص برجلي في كرسي الراجل اللى أدامي برده هو هو .. راح لافف وشه و ماسكني من التي شيرت و قايلي ما قلتلك يا بني اقعد باحترامك ..

أنا : شيل إيدك بس .. آسف يا باشا ..

قبل ما الماتش ما يخلص ب 5 دقايق كده أسامة حسني برده ضيع كورة سهلة جدا كان النفروض يحطها عادي قام حاططها بكعبه ألشت منه .. و مش عارف إيه اللى خلاني عملت رد الفعل ده !! ..

مسكت الشبشب اللى في رجليا خلعته و زربو على قفا الراجل اللى أدامي هو هو .. بقيته بيقول : هاااااااااااااااااااااااااااا .. و حياة أمي ما انا سايبك ..و انا جريت و الجري نص الجدعنة في الحاجات دي ..

الناس هدوه و أنا كملت الماتش على كرسي في آخر القهوة مش في مكاني الأولاني و أصحابي مسخسخين ضحك من اللى حصل ده كله ..

الماتش خلص و في وسط الزحمة و الناس طالعة الراجل لقيته جنبي رحت مصوت في ودنه و جااااااااااااااااااااااااااري ع البييييييييييييييييييييييت ..

و صدق الشاعر الذي يقول : الجري نص الجدعنة ..

................................................................................
.................................
................................................................................
.................................
................................................................................
.....................................

واحد صاحبنا اسمة محمد حسين
احنا بنقولة ياحسين
فعرفنا واحد جديد علية وكان دايما بيقولة ياحسين
مايعرفش ان اسمة محمد حسين
المهم محمد حسين كان ابوة اللى هو حسين متوفى من زمان اووووووى
الواد صاحبنا دة اتصل بية فى البيت وقالهم ممكن اكلم حسين
قالولى دة مات يبنى الله يرحمة
قالهم ازاى دة كان معايا امبارح زى الفل
قالولة امبارح ازاى يابنى دة ميت من زمان
والواد بيعاند والله كنا خارجين امبارح مع بعض
قالولة والله مات من زمان واحنا دفنينة بإيدنا
المهم الواد قفل السكة واتصل بيا وبيقولى وهو حزين اوى حسين مات
قولتلة حسين مين
قالى صاحبنا
قولتلى حسين قاعد معايا فى البيت اهوة
وجالنا وحكلنا الحكاية وكنا هنفطس من الضحك

................................................................................
........
................................................................................
.........
................................................................................
..............

موقف من مواقف الصلاه
واحد كان بيصلى بينا
بس هو طيب اوى يعنى
المهم ركع وبعد الركوع
قايم من الركوع قام قايل الله اكبر
افتكر انه قايم من الركوع
قام قايل لا لا قصدى سمع الله لمن حمده

...............................................................................
................................................................................
................................................................................
......

مرة كنت واحد صاحبي زملكاوي

في ماتش الاهلي و الاسماعيلي

وانا كنت اقنعته انه يقعد معايا في مدرجات الاهلي

المهم هو جه عامل فيها بورم و لابس تي شيرت اصفر

ولا اكنه سبع رجاله في بعض

و احنا كلنا بنشجع و هو قاعد

و كل ما تيجي هجمة للاسماعيلي يشجع المهم الناس شكت فيه

في بداية الشوط التاني

سمعنا دوشة ورا

في اعلي المدرج

بنسأل فيه ايه

قالولنا مسكوا واحد زملكاوي

لقيت صاحبي دة نط و خطف مني العلم

و بيقول اوووووووووه اهلاوي

اووووووووه اهلاوي

...............................................................................
................................................................................
.
................................................................................
...

بيقولى كنا فى صلاه الجمعه فى مره وكان فى الصيف فالناس قاعده بقى ونعسانه على الاخر
المهم الخطيب كان بيقول احنا بقينا فى زمن محدش فيه يامن على بيته
الراجل يقول لمراته انتى رايحه فين تقوله كنت عند ماما وهى جايه من عند الحبيب وزعق الخطيب فى كلمه الحبيب
المهم الناس كانوا نايمين ففجاه كلهم فى نفس واحد عليه الصلاه والسلام
شوفتوا بقى لدرجه ايه ان عدم الاهتمام بالخطبه مكن يودى الناس فى داهيه

................................................................................
...............
................................................................................
...............
................................................................................
....................

كنت أدام بيت واحد صاحبي و كان فيه عربية مركونة إزازها مكسور مش مفتوح ..

بس فالواد صاحبي قاللى روح رن الكالاكس بتاع العربية دي كده محدش شايف ..

و انا بكل تلقائية رحت ضربت الكلاكس كان الواد صاحبي جايب البواب بتاع العمارة و قايله ده حرامي .

الراجل شافني بمد إيدي في العربية ..

الكالاكس عمل تيييييييييييييييييييييييييييييييييت ..

و إيد على قفايا عملت طااااااااااااااااخ ..

و انا بصراحة ما كانش عندي كلام أقولوا هقول إيه يعني ..

بس عملت الواجب مع الواد صاحبي ده كان واقف يضحك و انا بترزع القفا

................................................................................
.......................
................................................................................
........................
................................................................................
............................

مره وانا ماشى فى الشارع رايح الدرس واحد كان راكب العجله بسرعه

راح ضربنى على قفايا وقالى ياحمار

انا على بال لما فقت من المفاجاءه كان الناس كلها اللى فى الشارع ضحكت خلاص

فاللى طلع عليا بصراحه رحت قايله

ربنا يسامحك

طبعا هوه حتى الكلمه سمعهاش لانه كان فلسع خلاص

................................................................................
...................................
................................................................................
....................................
................................................................................
....................................

مرة موقف أخويا عمله .. بس أنا اللى أحرجت فيه ..

واحد صاحبي أوي قالي لازم تيجي تزورني انهارده .. قلتله ماشي .

قالي بس على شرط .. تجيب أخوك الصغير معاك ..

ساعتها كنت في إعدادي .. و أخويا كان يعمل كده رابعة خامسة إبتدائي ..

بس و مهما حكيت مش هقولكوا أخويا ده شيطان إزاي عشان كده أهل الواد صاحبي ده كانوا عايزين يشوفوه ..

بس فرحتلهم و معايا القرد أخويا .. و قلته يلزم الصمت و إلا هنكل بيه لما أروح ..

بس و الواد قعد ساكت خالص و بيتكلم بكل أدب ..

و بعدين فجأة قالي : أحمد أنا عايز آكل ..

كانت الناس مش قاعدين معانا ..

قلتله : بص يا عبودي هما أصلا مش واقفين معانا عشان بيجيبوا الأكل ..

قالي : ماشي أديني مستني ..

بعدين جم و ما كانش معاهم أكل .. قعد يخبط على رجلي جامد و يخبط على ضهري .. و أنا أشاورله بإيدي يصبر يعني .

و بعدين و في وسط ما الواد صاحبي و أمه و أبوه قاعدين معانا ..

راح جاي أخويا قايم و فاتح التلاجة أدامهم و قايل : من آمن بالله و اليوم الآخر فليكرم ضيفه

................................................................................
.........
................................................................................
.........
................................................................................
...........

كنا مره في صلاة الجمعه والامام بيصلي بينا وكله مركز في الصلاة ومن حظي الهباب انه كان في عيل دماغه تعبانه واقف بيصلي جمبي
المهم والامام بيقرى القران عربيه عملت صوت جامد اوي بره واظاهر خبطت في حاجة المهم المعلم اللي جمبي ربنا مش يهديه ويسكت
راح قايل تيييييييييت البس يازبون ومقلكش على اللي حصل بقى كل الصف ساب الصلاة واترمة على الارض من الضحك

................................................................................
..............
................................................................................
.............

الف الف الف شكر ليك موضوع اكثر من رائع تسلم الايادى

nogom_net كتب:: الف الف الف شكر ليك موضوع اكثر من رائع تسلم الايادى

شكرا ليك انت يامعلم على مرورك الجميل زيك شكرا

» نكت تموت من الضحك
» قصة تموت من الضحك
» 100نكته الضحك من القلب
» صور جامده تموت من الضحك على الجزائريين
» الضحك اجبارى