حوار بين اب وابنة(حاجة تعصب)!!!!!!

السلام عليكم ورحمة الله وبركاته


الأب : يا ولد



الابن (و بكل براءة) : نعم


الأب: نعمة لما ترفسك


الابن:ليه ايه اللى عملته؟



الأب: عملك اسود ومهبب



الابن :هو انا قلت حاجه؟

الأب: كان ناقص تقول كمان.. أوقف عدل يا حيوان


الابن : حاضر


الأم: يحضروا على قبرك.. لما أبوك يتكلم إنت تخرس


الابن: أخرس؟؟


الأب: أيوة خرسة تخرسك ان شاءالله


الابن: ماشي



الأم: مشش فى ركبك


الابن : ايه مشش دى؟


الأب: أما إنك قليل الادب وبترد على امك كمان؟


الابن: انا رديت على إمي؟ ياماما ماتقوليله حاجة


الأم: ...أخرس ياض


الابن (( غلب على امره و سكت))


الأب: أما جيل قليل الحيا صحيح...بتكلم ومبتردش عليا اتخرست ليه جتك خرسة تخرسك


الابن:يعنى اقول ايه لو اتكلمت بتشوفوا كلامى غلط


الأب: ليه ياض شايفنا عُمى ولا شايفنى أحول ومش بشوف؟


الابن: لا اله الا الله



الأم : الله ياخدك ويريحنا منك.. يا ريتني خلفت ابن الجيران و لا خلفتك


الأب: انا مش عارف الواد ده طالع لمين.. لا وشايف نفسك راجل اوى؟


الابن:طيب يعنى اعمل ايه عشان تشوفنى راجل؟


الأب: إن شاءلله ما تطيب.. اخرس


الابن: يا ااااااااااااااااااااارربي خلاص ممكن أمشى؟ انتم نادتونى ليه أصلاً؟


الأم: آه صحيح انت ليه ناديت على الواد؟


الأب: تصدقى .... نسيت.. مش عارف... خلص امشى غور جتك القرف