الماجيك
عضو ماسى
عدد المساهمات : 3978
تاريخ التسجيل : 11/12/2009
العمر : 33
 |  موضوع: كلمات ألبوم أبو الليف 2010 الأحد مايو 23, 2010 11:42 am | |
| [ندعوك للتسجيل في المنتدى أو التعريف بنفسك لمعاينة هذه الصورة]كلمات ألبوم أبو الليف 2010[ندعوك للتسجيل في المنتدى أو التعريف بنفسك لمعاينة هذه الصورة]
1- قبل ما أنام
========
قبل ما أنام فى حاجات لازم أعملها
أحسب حسابى هدومى أعلقها
أرص لعبى و أوضتى أروقها
و أشيل حاجات اللى أنا باستعملها
قبل ما أنام فى حاجات لازم أعملها
لو كان فى حاجة نفسى إنى أجيبها
أروح لماما عشان أستأذنها
ماما حبيبتى و شايلانى فى عينها
قبل ما أنام فى حاجات لازم أعملها
أروح لبابا أبوسه يزغزغنى
بالشيكولاتة بابايا منغنغنى
و أى حاجة عملها أقلدها
قبل ما أنام فى حاجات لازم أعملها[ندعوك للتسجيل في المنتدى أو التعريف بنفسك لمعاينة هذه الصورة]
2- تاكسى
=========
أنا اللى كان فارسنى باغنى من تالتة ابتدائى
من قبل تام حسنى و محمد حماقى
تاكس . عابدين با اسطى؟
كله ألسطة .. أهلى اصحابى وكل جيرانى
أدخل قلبكوا من غير وسطة
أنا خدت دبلون .... و رحت شارى منطلون
كان عندى إيه ...صنف يو ... وعقدونى يا هوو
غلبان و شارى سجايرى فرط
إكمنى ماعيش من حد كارت ... اتنطرت
تاكس . عابدين با اسطى؟
كله ألسطة .. أهلى اصحابى وكل جيرانى
أدخل قلبكوا من غير وسطة
قالولى رح على ليبيا ..حوشتلى قرشين
كات ليلة أبويا كوبية... طاروا فى دقيقتين
دخلت يا ما البورصة .. و جبتلى سهمين
و لله يا محسنين
تاكس . عابدين با اسطى؟
كله ألسطة .. أهلى اصحابى وكل جيرانى
أدخل قلبكوا من غير وسطة
أنا اللى كان فارسنى باغنى من تالتة ابتدائى
من قبل تام حسنى و محمد حماقى
محمد حماقى خايف منى يا جدعان[ندعوك للتسجيل في المنتدى أو التعريف بنفسك لمعاينة هذه الصورة]
3- كنج كونج
=======
بتحبنى لا ... أشك
مين دول اللى على الفيسبوك
لو ماشلتيش العيال دى ... عليك حاسك
وأنا . أنا مش خرنج
لا ... أنا كنج كونج
ده أنا أنا رابط إيدى
بالعب بنج بونج
مش ابن هانم ولا اين لورد
اتفضلى .. هاتى الباسوورد
ده أنا أراجوز متربى فى سيرك
مش عيل كاورك
وأنا . أنا مش خرنج
لا ... أنا كنج كونج
ده أنا أنا رابط إيدى
بالعب بنج بونج[ندعوك للتسجيل في المنتدى أو التعريف بنفسك لمعاينة هذه الصورة]
4- بركوتا
=======
خد الك .. بركات ده داهية
ده لو جالك .. مافيش هزار
ده يوماتى ... بركات هنا
مسخناتى ... مولعها نار
بركوتا .. جاب الضيف و دبحله القطة
ضيف تانى .... قضاها ملابطة
ثبت لعيبة ع الثابتة .. و نجوم كبار
خد بالك .. خد بالك[ندعوك للتسجيل في المنتدى أو التعريف بنفسك لمعاينة هذه الصورة]
5- ثقة فى حد
=======
ما بقاش عندى ثقة فى حد
م اللى أنا شفته ف حياتى
زمان أنا خدت درس
و غلطتى ما ذاكرتهوش
أنا خدت الضربة بجد
من أقرب ناس فى حياتى
مش أهلى دول والله لا
أقسم بالله وحوش
أنا اللى كان قاتلنى و اللى كان كاسرنى
بيستقلوا بيا و كمان مستصغرنى
فاكرين الدنيا دايمة ... و الله ما يعرفوش
أنا اللى بكرة هابقى ... و يشوفوا اسموا يبكوا
ويقولوا كان قريبنا .. يتباهوا بيه و يحكوا
ده اللى اتظلم فى حياته ... ربك ما بينساهوش
مهما الواحد بيئن ده مالوش سعر ولايسوى
دول مش بيحسوا كله يا الله نفسه مش همه
بقى اللى غريب يحن .. و الى قريب كله قسوة
يا عينى يا همه اللى يخون اللى من دمه
أنا اللى كان قاتلنى و اللى كان كاسرنى
بيستقلوا بيا و كمان مستصغرنى
فاكرين الدنيا دايمة ... و الله ما يعرفوش
أنا اللى بكرة هابقى ... و يشوفوا اسموا يبكوا
ويقولوا كان قريبنا .. يتباهوا بيه و يحكوا
ده اللى اتظلم فى حياته ... ربك ما بينساهوش[ندعوك للتسجيل في المنتدى أو التعريف بنفسك لمعاينة هذه الصورة]
6- كله بينفسن
========
ياما من الناس يا ما ياما ... كله بينفسن
والندالة دى حالة عامة ... إمتى نتحسن
ده اللى فى الوش بان حبيبك ... يلف و يأسفن
أخ واطى أوى مع أخوه و اخته
ابن قسى على أبوة ... ميل بخته
إنتوا كدة مش بظتوا ... إنتوا شرختوا
دى القامة حتقوم
واللى شرد فى عياله و مراته
واللى مدمن و لشرب حياته
واللى كان يوم هنا على نياته
واتمرع تانى يوم
و تبص تلاقى أم عصام ماسكة فى خناق أم إيهاب
اتخانقوا عشان القمصان بتنقط على لبس رحاب
وشوية لابسين ماسكات و فضايح سيديهات ديسكات
أبو الليف أبو الليف
ياما من الناس يا ما ياما ... كله بينفسن
والندالة دى حالة عامة ... إمتى نتحسن
ده اللى فى الوش بان حبيبك ... يلف و يأسفن
اللى نزل الشارع متشنج
واللى على خلق اللى خلق الله بيتنك
واللى نصحه ضايع متنبنج
من ده شفت كتير
إمتى كنا فى يوم كنا كدة بالذمة
ده احنا كنا نضاف عندنا ذمة
آدينا بنلبس بعض العمة
تصبحوا على خير[ندعوك للتسجيل في المنتدى أو التعريف بنفسك لمعاينة هذه الصورة]
7- جبت الشقة
========
أنا جبت شقة فى زمن لو جبت شقة يقولوا تهييس
طب مهر لأة يا اخواننا حرام هو التشطيب رخيص.؟
سيبوا اللى اتبقى هاتو نص العفش ليه الأفش .. بيس
الرحمة حلوة الله يكون فى عون العريس
مين اللى نقى مش بنتكوا دى يبقى ذنبى إيه تدبيس.؟
وفرت طقة طقة و باصوم و النعمة اتنين و خميس
أنا كان فاضلى زقة و حاهج وألم هدومى فى كيس
ناقص أبيع البنطلون والقميص
لا لا يا أونكل لا ... لا لا يا أبلة لا
يرضيكوا تيجى بنتكوا بيتها تجوع جواه؟
فيه لسة خلفة و عيال حلوين ... يا نهار ده هبل مصاريف
مش لاقى صرفة هنت برستيجى كدة ...منظرى مش لطيف
لو خدت سلفة من حد قصاد بنتكم أنا هابقى ضعيف
وأقعد فى البيت بجلابية ... يا خسارتك يا ابو الليف
لا لا يا أونكل لا ... لا لا يا أبلة لا
يرضيكوا تيجى بنتكوا بيتها تجوع جواه؟[ندعوك للتسجيل في المنتدى أو التعريف بنفسك لمعاينة هذه الصورة]
8- دولا مجانين ( الستات )
=============
مستهون بالستات يا اخويا ... دولا مجانين
دول كربونة و حياة أبويا ... دولا مجانين
هانم ولا بمنديل بأوية ... دولا مجانين
خد بالك من صنف الحريم
يتفاوتوا إنما نسبة و تناسب ... دولا مجانين
فيهم والله ربع ضارب ... دولا مجانين
الصبح عسل بالليل تحارب. .. دولا مجانين
استغفر الله العظيم
دول دول دولا خبلانة
اللى فاهمهم راسه تعبانة
تفهم إيه حموك فى كنكة ... كان غيرك أشطر
دول دول دول خبلانة
تواضع منهم قعدوا معانا
شق البطيخة ,,, و ع البركة
لما الحنية بتبقى طالبة ... بيبقوا قمامير
إنما يا حبيبي عليهم قلبة ... اشوف وشك بخير
و اللى مخلى كفتهم غالبة ... النكد الكتير
و أجارك الله بقى على ده سلاح
فى ثوانى تلاقى الدنيا ولعة ... دولا مجانين
ماهو ياتطلقنى با إما خالعة .... دولا مجانين
معظمنا خلاص بقى عنده صلعة ... بسبب المجانين
يا خسارة الشعر اللى راح
دول دول دولا خبلانة
اللى فاهمهم راسه تعبانة
تفهم إيه حموك فى كنكة ... كان غيرك أشطر
دول دول دول خبلانة
تواضع منهم قعدوا معانا
شق البطيخة ,,, و ع البركة
مستهون بالستات يا اخويا ... دولا مجانين
دول كربونة و حياة أبويا ... دولا مجانين
هانم ولا بمنديل بأوية ... دولا مجانين
خد بالك من صنف الحريم
دول دول دولا خبلانة
اللى فاهمهم راسه تعبانة
تفهم إيه حموك فى كنكة ... كان غيرك أشطر
دول دول دول خبلانة
تواضع منهم قعدوا معانا
شق البطيخة ,,, و ع البركة[ندعوك للتسجيل في المنتدى أو التعريف بنفسك لمعاينة هذه الصورة]
9- بومبة
=====
الأخت الفاضلة اللى اخترتها علشان تتجوزنى
فيه حد موقع بينى و بينها .. فيه حد ممهمزنى
دى العشرة هانت بعد ما كانت بتموت فى طبعى
كات تيجى بإشارة يا ألف خسارة .. كات خاتم فى صبعى
بومبة ... إدتنى بومبة
بومبة ... حد فقعنى زومبة
يادى الليلة دى خيبة تقيلة ... قطعت بيا و عهد الله
ميت يتصور تيجى تحور .. على مين يا اختى على بابا
بومبة ... إدتنى بومبة
بومبة ... حد فقعنى زومبة
مين فينا ماخدش فى يوم بومبة ... طلعت من نافوخه
عينى ع اللى زمان لو خش مكان كل اللى فيه يدوخوا
أنا جوة منى نصيحة صرخة نفسى أصرخها
مش أى سمكة ملونة يخدعنا بطروخها
بومبة ... إدتنى بومبة
بومبة ... حد فقعنى زومبة
يادى الليلة دى خيبة تقيلة ... قطعت بيا و عهد الله
ميت يتصور تيجى تحور .. على مين يا اختى على بابا
بومبة ... إدتنى بومبة
بومبة ... حد فقعنى زومبة[ندعوك للتسجيل في المنتدى أو التعريف بنفسك لمعاينة هذه الصورة]
10- باصحى الصبح
===========
أنا باصحى الصبح أفتح بإيديا شيشي
واتوكل أجرى أنزل على أكل عيشى
طافح الكوتة عشان أوفر زاد عيالى
وعشان انتى فى مستوى نضيف تعيشى
هاتى شئ فى حياتنا مش مقسطينه
شوفى كام دفتر شيكات مطلعينه
فين عقلك فين صبرك عليا فينه
مش ده النظام اللى احنا مسستمينه
إمتى أنول الرضا .. بالراحة مش كدة
بالذمة طب عشان مين كل ده؟
اهمدى يوه ... دى ماهيش حجج فارغة
اهبطى يوه ...وبلاش ردود بايخة
يرحم زمان .. كنتى زمان فرخة
و كنت نافش ريشى
حاقعد فى البيت ... بس أبقى صريح معاكى
مصروفى يجيلى ف إيدى من باباكى
بسجايرى بأكلى بشربى باستلاكى
و ياريت يرفعلى الحجز عن أملاكى
إمتى أنول الرضا .. بالراحة مش كدة
بالذمة طب عشان مين كل ده؟
اهمدى يوه ... دى ماهيش حجج فارغة
اهبطى يوه ...وبلاش ردود بايخة
يرحم زمان .. كنتى زمان فرخة
و كنت نافش ريشى
أنا باصحى الصبح أفتح بإيديا شيشي
واتوكل أجرى أنزل على أكل عيشى
طافح الكوتة عشان أوفر زاد عيالى
وعشان انتى فى مستوى نضيف تعيشى[ندعوك للتسجيل في المنتدى أو التعريف بنفسك لمعاينة هذه الصورة]الماجـيــــــــــــــــــــــــــــــــك | |
|
mrrafat
عضو نشيط
عدد المساهمات : 485
تاريخ التسجيل : 16/08/2009
| | موضوع: رد: كلمات ألبوم أبو الليف 2010 الإثنين مايو 24, 2010 12:30 am | |
| كلمات جميله ومن الواقع وخفيفه الظل
ميرسى يانجم
| |
|
الماجيك
عضو ماسى
عدد المساهمات : 3978
تاريخ التسجيل : 11/12/2009
العمر : 33
| | موضوع: رد: كلمات ألبوم أبو الليف 2010 الإثنين مايو 24, 2010 12:21 pm | |
| - mrrafat كتب:
كلمات جميله ومن الواقع وخفيفه الظل
ميرسى يانجم
شكراااااااااااااا
لمرورك الجميل ونورتى التوبيك
| |
|
