زيادة الانتاج في مقابر الغفير
وماله حسني دا راجل حلو مش عارف الناس السافله اللي في الميدان زعلانه منه ليه هوه عمل حاجه هو خرب اقتصاد هوه بهدل شعبه ..هوه خلي الناس يشتغلو بطالة ويشتغلو في طوابير العيش لا ابدا هوه ما عملش حاجه ابدا من دا مجرد بس غرق الناس بس وكان ليه خطة سنويه ويمكن كمان شهريه في زيادة الانتاج لترب الغفير ومقابر 6 اكتوبر وزيادة انتاج مياه المجاري وزيادة عدم انتاج القمح .. وكمان زيادة انتاج النصابين والبلطجيه لتزوير الانتخابات وكمان وبلا فخر نحن اول دوله في انتاج حوادث الطرق وفيه فائض كبير للتصدير .. واول دولة في التاريخ اللي توزع صدقات بالمليارات علي الغلابه رجال الاعمال ..وكمان يحسب له ((ابونا مبارك)) انه زود عدد الشحاتين والجعانين اللي مايستاهلوا الا الاكل من الزباله .. شفتوا هوه كان سايب الزباله ليه عشان المحرومين ياكلوا واحنا ندفع تمن الزباله علي فاتورة الكهرباء..
موضوع: زيادة الانتاج في مقابر الغفير 
