يسلم لينا ضهر سعادتك..عن عملية المخلوع بالمانيا

يسلم لينا ضهر سعادتك
ألف سلامه لضهر سعادتك
إحنا فداه وف رهن إشارتك
كل الشعب بتاعنا بحاله
نسى أحزانه وخيبة حاله
وبيتمنى شفاك وسعادتك
ترجع لينا بألف سلامة
ويسلم لينا ضهر سعادتك

الأسعار راح نتحملها
والأوضاع مش ح نعدِّلها
والتغيير ماحناش عايزينه
إحنا هدفنا خلاص عارفينه
ترجع لينا بألف سلامه
ويسلم لينا ضهر سعادتك

كرسى سعادتك جوّه عيونا
وفوق الروس
مين يستجرا يهوِّب جنبه
أو يتّك عليه ويدوس
الرجلين ح نجددهالك
وبعون الله القاعده كمان
ح نجِّدهالك
وتعيش مرتاح العمر عليه
من غير ماتحس بأى آلام
في الفقرات أو ف العصعوص
بس انت كمان ماتغيبش علينا
الله يخليك وتسيبنا نلوص
دى الأيام من غير تصريح
من فم سعادتك ماتعديش
والأحلام من غير ماتعيشها
معانا سعادتك تبقى كابوس

ترجع لينا بألف سلامه
ويسلم لينا ضهر سعادتك

» حبيبتنا مش لينا
» حصرى جدا من نجوم نت البوم صور ابطال الاهلى المصرى
» لو لينا شبر ارض تسقط المعاهده
» ايهاب توفيق و اشرف سالم | انضم لينا
» المخلوع ونهب مصر بالبورصه