تعليقات المصريون علي رفع العلم المصري علي السفاره العدو

بسم الله الرحمن الرحيم

من المعروف ان الشعب المصري من يقع تحت يده لن يرحم الي الابد من النكت الساخره
والعـــدو وقع كالكبش المنتظر ذبحه من ابطال الشعب المصري

أحلى التعليقات المصرية على تسلق أحمد الشحات السفارة الإسرائيلية و رفع العلم المصري بدل الصهيوني

جيل مبارك كان بيمشي جنب الحيط .. لكن جيل الثورة بيمشي ع الحيط ..
صوتي يا أم مائير .. شباب مصر بيطير ..
الطمي يا أم شاليط .. شباب مصر بيمشى عالحيط ..
متحدث إسرائيلي : لا صحة لإشاعات رسم العلم المصري على بوكسر نتياهو ..

الصهاينة بيستوردوا دلوقتي بامبرز من كل الأحجام لأنهم مش قادرين يسيطروا على الموقف .. اتبرع و لو بواحدة فرط حجم صغير ..
فريد الديب : الرئيس مبارك هو المتسلق الحقيقي للسفارة ..
مرتضى منصور : اللي تسلق السفارة دا محامي عندي في المكتب و تأثر بأفكاري السياسية و عندي السيديهات بتاعته ..
طلعت زكريا : أنا شفت متسلق السفارة بعد ما نزل و الليلة خلصت في كباريه في شارع الهرم و بيعمل علاقات جنسية ..
سبايدر مان المصري .. أم الأجنبي ..
يا منزّل علم الصهاينة و رافع راس بلادي و مفرح أم الشهيد و هتاخد تار ولادي ..
يا طالع العمارة و مبهدل السفارة و كابس الأعادي : تسلم الأيادي ..
عذراً نيوتن .. المصريون لا يعترفون بقانون الجاذبية ..
اللي يتاخد علمه من على سفارته ممكن يتاخد منه أي حاجة .. آآآآي حاجة ..
السفير الإسرائيلي : ضحينا بالعلم عشان السفارة تعيش ..
اقتراح إنشاء سلاح جديد في الجيش اسمه سلاح العناكب فرقة اللواء أحمد الشحات ..
السفير الإسرائيلي اتصل بعصام شرف و قاله و هو منفعل : ينفع وقفة الشباب قدام العمارة و فيه حريم طالعة و نازلة ؟
إسرائيل عندها طيارات بدون طيارين و احنا عندنا طيارين بدون طيارات ..
يعني إيه البت تقولي مش هتجوزك إلا لو جبتلي علم إسرائيل من فوق مبنى الأمم المتحدة ؟؟!!! منك لله ياللي في بالي ..
طيب يعني رشيناكو بميه و ضربنا قنابل دخان و رصاص مطاطي و رصاص حي و ما متوش ، كمان طلعتو 14 دور و نزلتوا العلم !! مفيش حد قادر عليكو ؟ لا مفييش ..
المفروض يحطو صورة الراجل اللي شال العلم على الجنيه ..
الفول المصري بيعطيك جواانج ..
هما لسه شافوا حاجة ؟ دا كريم عبد العزيز هينفخهم في ولاد العم ..
لو سمحت يا ابني هي سفارة إسرائيل فين ؟ أهي يا حاج اللي عليها العلم المصري ..

تحيا مصر ♥

ههههههههههههههه

جميله جدااا طبعا وانا رديت عليك بيها فى الاخبار

دى روح الشعب المصرى روح خفيفه

[ندعوك للتسجيل في المنتدى أو التعريف بنفسك لمعاينة هذه الصورة]

الشعب شاب وشابه والحكومه ستو وجدو ..الشعب جبل عالي والحكومه حفره في الواطي ..الناس بقلب اسد والحكومه بقلب اتهد..فلا نامت اعين الجبناء ..

زين العابدين عبد المنعم كتب:: الشعب شاب وشابه والحكومه ستو وجدو ..الشعب جبل عالي والحكومه حفره في الواطي ..الناس بقلب اسد والحكومه بقلب اتهد..فلا نامت اعين الجبناء ..

الحكومــــــــه ضعيف لانها ..

لم تحقق الا القليل القليل من التوصيات الثوريه التي خرجت بها الثوره

لم تسيطر علي الامن الداخلي وأكنها لم تحسب ليوم كهذا من التحرش للعدو علي الحدو مترتبا علي فقد الامن في البلد

و نشر الجيش وتحمله المسؤليه امن الداخل وامن الخارج

انا بقولها من زمان عايزين حكومه قويه تضرب بيد من حديد علي الكل

نحن في فتره حرجه البلاد تمر بمنعطف قد يكون الاخطر علي مر تاريخها

ولكن لدينا ثقه بلا حدود في رجال الجيش وخصوصا الثالث الميداني المتواجد في سيناء " بكثره "

ياقائد الحكومة ذات اليد المرتعشة لاتحقق الامن لنفسها حتي ..الذي يتكلم دائما ولا يكاد يصمت وكله كذب وزير المالية حتي يخدل الناس ويخدعهم بالحلم الكاذب انه سوف يعطيهم ويعطيهم ..ما اشبهه برضوان ..اما وزير الزراعة الذي يجب ان يتحدث ولو كل اسبوع فهو لابد في الدرا لايتحدث لعل المانع شغل وان مصر اصبح لديها الامل العريض انها لن تتسول مزيدا من القمح المتعفن في حقول سيبيريا او جورجيا اوبلاد تركب الافيال ..دمت لنا بموضوعاتك القيمة ..والسلام