زين العابدين عبد المنعم
عضو ذهبى
عدد المساهمات : 2091
تاريخ التسجيل : 05/08/2010
الموقع : سواح
 |  موضوع: احمد عفيفي يكتب: مصطفى "بدري" !! الخميس سبتمبر 29, 2011 2:20 am | |
|
احمد عفيفي يكتب: مصطفى "بدري" !!
الدستور الأصلي : 28 - 09 - 2011
صدمني الصحفي الهُمام مصطفى " بدري" في مداخلة مع الجميلة منى الشاذلي وهى تسأله رأيه في جولة المشير طنطاوي بشارع قصر النيل . سؤال عادي جدا وبسيط لواحد صحفي من المفترض أنه مخضرم ولا يستدعي أى نوع من العصبية التي
تكشف صاحبها .. لو صحفي مبتدئ سيرد: أرى كذا وكذا وكذا .. مجرد احتمالات من حق أى واحد ان يتكلم فيها بحرية مطلقة .. لكن أخونا مصطفى "بدري" راح يدافع عن المشير كأن منى الشاذلي لا قدر الله سبّته ونعتته بما ليس فيه .. وقالت فيه وفي
جولته و"بدلته" مالا يليق .. المسكينة بتسأل سؤالا عاديا وبتلقائية شديدة .. قام صاحبنا بصوت عال وعصبي نصّب نفسه محاميا عن المشير ، وأنه مش محتاج يعمل حركات ويجس نبض الشارع .. عشان لو فكر في الترشح للرئاسة يبقى عارف راسه من
رجليه .. ونزل عم مصطفى "بدري" سلخ في شلة "الفيسبوك" وتعليقاتها السخيفة على بدلة المشير وعيب كده .. ميصحش .. الراجل كان بيعزي ونزل يتمشى .. فيها ايه ديه ؟ .. ومنى الشاذلي "يا ولداها" مش عارفه تقول كلمتين على بعض من عصبية
مصطفى فاضطرت لإنهاء المكالمة بأدب جم بعد ان شكرته.
والسؤال: لماذا هذا الحماس المفرط في موقف لا يستدعي أبداً مجرد علو نبرة الصوت ؟ .. فالمشير ليس متهماً ولم يتقدم أحد
للنائب العام ببلاغ ضده يتهمه فيه أنه خلع بذلته العسكرية ونزل الشارع يتكلم مع العامة .. فلماذا أخذتك الجلالة بالكذب وتدافع عنه في قضية "مهياش قضية" من الأساس .. ومالك انت بعيال الفيسبوك اللي مش عاجبينك .. مع إنهم أجدع منى ومنك ومن
ملايين زيّنا – ولا نسيت الثورة اللي كان أساسها موقع على "الفيسبوك".. ودلوقتي جي تقول إنهم عايزين وقفة .. وقفة إيه يا عم مصطفى يا "بدري" .. انت كده حتخليني أصدق طلعت السادات في اللي كان ولايزال بيقوله عنك .. انك الاسم معارض ،
والفعل مع النظام وصنيعته .. ودي حاجة معروفة وقديمة أوي .. إعمل إنك بتشمتني وتلعن أبويا عشان بعد كده لما تقول عني حلو وحتة سكرة الناس تصدقكّ ياعم مصطفى... "بدري" أوى ع الكلام ده .. ولو المشير فكر وعملها وبقى رئيس إبقى قول اللي
انت عايزه .. بما أنك على حد علمي المتحدث الرسمي الآن بلسان المجلس العسكري والعالم ببواطن وخفايا الأمور وأسرار الساعات الأخيرة قبل التنحي. إهدى يا عم مصطفى .. "لسه بدري" .. اعرف الأول مين اللي ممكن يبقى رئيس واجري واسبق
اى حد واترمي في حضنه .. انت حر ، واللي بيشيل "إربة" مخرومة بتخر على دماغه .. بس في حالتك انت واللي زيّك حتخر على دماغنا كلنا .. ما صدقنا قامت الثورة ونسينا الرئيس الأب والرئيس الأم وكبير العائلة.. لكنك مصمم ترجعنا ميت سنة
للوراء. اسمع كلامي الله يهديك .. لسه "بدري" اوى ، ويمكن كمان المجلس العسكري يطلع لنا بحدوتة جديدة ويقولك بلاها رئيس جمهورية وكفاية حكومة ومجلس شعب .. يعني هو اللي كان رئيس عمل ايه .. ياعم بلا نيلة .. تعالوا نجرب "مصر بلا
رئيس" لو نجت التجربة كان بها ويا دار مادخلك شر .. ولو باظت ننتخب رئيسا عام 2030 .. عشان منتسرعش وندي التجربة حقها ع الاخر .. مش بقولك متستعجلش ولسه "بدري" !!
| |
|
زين العابدين عبد المنعم
عضو ذهبى
عدد المساهمات : 2091
تاريخ التسجيل : 05/08/2010
الموقع : سواح
| | موضوع: رد: احمد عفيفي يكتب: مصطفى "بدري" !! الجمعة سبتمبر 30, 2011 2:03 am | |
|
مصطفي بدري كنت اشوفه معارض نزيه واقرا الاخبار
الاقيه في طائرة الرئيس يعني معاهم ...لسان سليط ضد
ومن تحت لتحت انا معاهم ...في السرقه والنصب والاحتيال
واللي يكشف عليه يلاقيه فلول
| |
|
professormohamed
عضوممتاز
عدد المساهمات : 736
تاريخ التسجيل : 22/07/2009
| | موضوع: رد: احمد عفيفي يكتب: مصطفى "بدري" !! الجمعة سبتمبر 30, 2011 1:47 pm | |
| الف شكر مصطفى بدرى
لانه دافع عن القوه الوحيده التى تحب الوطن والمتمثله فى المشير
| |
|
