حبيت تشاركونى فيها

على اد حالة الحزن الى انا عايشاها الا انى فى قمة سعادتى انهاردة

وحبيت تشاركونى فيها

اللهم عز الاسلام والمسلمين فى كل مكان

الحكاية تبتدى من تقريبا 8 شهور

هنا فى ناس بتعدى على كل البيوت تعرض الدين المسيحى علشان الناس تدخل فية

ولما كان حد يجى عندنا بابا او ماما كانوا يقولوا احنا مسلمين ويقفلوا الباب

انا كان الفضول هيجننى كنت اقول لبابا نسمعها يقولى لية مش فى ضرورى تضيعى وقتك

اقولة بس اعرف هى بتقول اية للمعرفة كان يقولى دول اكثرمن العنصرية مش هتلاقى فى دمهم وكلامهم

كتير حاولنا معاهم ومش نجحنا لانهم متعصبين بطريقة غلط

من يومها وانا كان نفسى اسمعهم المهم فى يوم عدت عليا واحدة منهم

هى عندها 35 سنة من حوالى 8 شهور

وانا ما صدقت شوفتها فتحت الباب

وقالتلى ممكن اتكلم

قلتلها اوك

قالتلى الاول انتى مسلمة

قلتلها الى يهمك انى اسمعك ( لانها لو عرفت انى مسلمة مش هتتكلم )

بس هى ذكية قالتلى بصى انتى مسلمة صح

قلتلها انا مسلمة و ممكن نتفق مع بعض كلمينى بالى عندك وحاولى تنقنعينى بكلامك وانا هسمعك
بس هناقشك

قالتلىهو انتى ممكن تسيبى دينك

قلتلهااستحالة بس دينى بيسمح ليا اسمع واشوف وادرس كل الاديان

قالتلى لو اقنعتك

قلتلها هيكون دينك قوى ووقتها مش هتحتاجى تروجية كدة

قالتلى انتوا كمان بتروجوا دينكم

قلتلها لاء فى فرق احنا بنوضح صورة دينا للى فاهمينه غلط او الى عاوزين يفهموة غلط

وطبعا مش تنكرى ان كل الناس عارفة الدين الاسلامى صح ولا لاء

قالتلى ناقشينى واناقشك

قلتلها الاول ادخلى نشرب كوفى ونتكلم

واول حاجة قالتلى عندى شرط مش تستخفى بكلامى

قلتلها مش كنت ضيعت وقتى معاكى

قالتلىاوك وقعدت تشرح كل الى عندها من كتيب فى اديها

سمعتها حوالى نصف ساعة وهى تتكلم وتحكى وتقول

وبعدين قالتلى اية رأيك

قلتلهاممتاز رائع جداا كلامك بس انا عاوزة اعرف حاجة

لما اسيب دينى وادخل دينك اية الميزة الى هكسبها

قالتلى الراحة فى الدنيا والجنة فى الاخرة

قلتلهاطب ماهو دينى بيوفر ليا الراحة فى الدنيا والجنة فى الاخرة اية الفرق

ما انا كدة كويسة وانتى مش قدمتى ميزة

قالتلى لاء دينى مش فى اى حرمان فى الدنيا من كل المتع بس مش نغضب الرب

قلتلهاجميل قوى ما هو انا كمان نفس الحكاية دينى مش بيحرمنى بالعكس

قالتلى لاء عندكم حاجات كتير قوى حرام وهى متع الدنيا

قلتلها زى اية كدة قولى مثال

قالتلى الحجاب لية مش متمتعين بحريتكم اكثر واكتر

قلتلها مين قالك كدة دة احنا فى كامل حريتنا بالحجاب ولا يعوق حركتنا ولا تقدمنا ابداا
ومع الفارق فى الاسلوب والطاعة والفرض والعادات ماهو فى راهبات كتير مش بيظهروا شعرهم

وممنوع عليهم خلع لبس الاوزارين منعا باتا انا قلتلك مع الفارق طبعا

علشان دينا بيسمح لينا بالحرية فى خلع الحجاب مع اخويا وابويا وكل ماهو محرم

طبعا سكتت

قلتلها قولى اية كمان كملى

قالتلى حرية المرأة فى دينى بنعزها وبنحررها وبيكون لها قيمة

قلتلها انتى بتشتغلى فين

قالتلى مكان شغلها

قلتلها مكان مش مناسب ماتشوفى مكان غيرة

(وانا عارفة هترد تقول اية طبعا)

قالتلى مش ينفع دة هنا قدراتى

قلتلها بس انتى اجازة ناو مفتوحة (وانا عارفة بردو الاجابة )

قالتلى لاء طبعا انا هرجع بعد يومين

قلتلها بس انتى وراكى حاجات كتير اهم قدمى شوسيل يعنى معاش

(وبردوا انا عارفة الاجابة)

قالتلى اكيد انتى عارفة مش ينفع ناو علشان مرتبى صغير قوى

بس انتى لية خرجتى من الموضوع

قلتلها بالعكس دة هو دة موضوعنا الاساسى

تعالى ناو نتصل باى واحدة مسلمة فى بلدى وتكون على اكبر درجة تعليم ونقولها انتى مغصوبة على الشغل

هتقولك لاء طبعا انا ممكن اقعد فى البيت بابا بيصرف عليا وممكن زوجى كمان يصرف عليا

حتى لو بشتغل بردوا هكون مسؤلة منه

هو دة ابسط حاجة اقدر اقولها لك لاننا انا وانتى لامسينة هنا وعارفين لو مش اشتغلنا

مش هيكون لنا كيان مستقل ولا هنعرف نعيش زى ما احنا عاوزين

انما بقا المرأة فى بلاد المسلمين معززة مكرمة تعليمها وكل طالبتها مجابة

دة غير حاجات كتير جداا منها مثلا ...

طال النقاش فى النقطة دى فترة طويلة قوى بينى وبنها وشرحت لها الى انا اعرفة عن عزة الاسلام للمرأة

وطال الوقت بينا انا وهى

واتكلمنا فى حاجات كتيرقوى بس الوقت عدى علينا وكان لازم اروح تدريب السباحة بتاعى

وانتهت المقابلة بس لقيتها

بتقولىممكن ارجعلك تانى

انا بصراحة وقتها حسيت بانتصارى حتى لو مؤقت لان قدرت اشدها

لحديث تانى معايا واتفقنا نكون اصحاب ونتقابل كل ويك اند

وفعلا عرفتها على اصحابى ودخلت قوى بينا

وابتدينا نشتغل عليها بكل الطرق السلسة السهلة بكل لين ولطف

هى حبتنا قوى واول حاجة عملتها وقفت الدعوة عن دينها بس مش قالت لينا كدة

كان انتصار لينا واحنا عرفنا بالصدفة بس مش عرفناها ان دة مهم قوى لينا ولا كأنها عملت حاجة
هى حست اننا مش هدفنا ندخلها الدين الاسلامى وطبعا احنا نجحنا فى توصيل الفكرة دى ليها
كنا بنشربها الدين الاسلامى بكل هدوء فى رمضان الى فات كنا بناخدها معانا المسجد

فى الويك اند تفطر معانا بهدف طبعا الاندماج اكثر

كنا بنحترم صيامها لما كنا نعزمها على الاكل معانا

المهم طولت قوى عليكم

بس حبيتكم تعيشوا التجربة معايا زى ما عشتها

كنا موزعين وقتنا عليها من غير هى ما تحس

لاننا عارفين تفكيرها وذكائها وعصبيتها

وفجأة لقيناها اختفت شهر تقريبا عننا

طبعا احنا اتفقنا مش نتصل بيها علشان عارفين انها اكيد حاجة من اتنين

اما بتفكر او قررت تبعد

ورجعت تانى واتقابلنا وكنا معاها عادى جداا

طلبت تنزل زيارة لمصر انا مش كنت اقدر انزل معاها

بس راحت سوريا مع صديق مننا قرر يا خدها وزارت سوريا اسبوع

طبعا كنا عارفين انها عاوزة تشوف بلد اسلامى على الطبيعة

والله كان نفسى تكون مصر

المهم فضلت معانا ولاحظنا انها ابتدت تتغير فعلا

وكنا ناخدها المساجد ونجيب لها كتب

وشرئط ولو كان فى شريط مش مترجم كنا نقعد نترجمة لها

طولت عليكم

المهمالنهاردة الساعة 12 اتصلوا بيا اروح المسجد علشان ارسينيا

هتعلن اسلامها

وفعلا اعلنت اسلامها وسمت نفسها فاطمة محمد عبد الله

لا تتخيلوا صوت البكاء فى المسجد كان عالى ازاى

من الرجال والشباب والسيدات والبنات

واحنا بنسمع الشيخ بيعلن اسلامها وهى بتنطق الشهادتين

يالروعة وعظمة الاسلام

ومش بس كدة لقينها وزعت علينا كتيب عملتة وكانت كاتبة فية اسباب اسلامها

قالت ان اول سبب هو المعاملة مننا احنا لها

وقالت كلام كتير قوى جعلها تدخل الدين الاسلامى بكل اقتناع وحب

وقالت انها عملت الكتيب دة علشان توزعه زى ما كانت بتوزع كتيب ضدد الدين الاسلامى

وفعلا المسجد تعهد لها انه هيساعدها فى طبع الكتيب زى ما هى عاوزة

وكانت كاتبة فية كل حوارنا معاها بالتفصيل

وكانت كاتبة جملة جميلة قوى حبيت انقلها لكم زى ماهى كدة

اعظم دين هو الدين الاسلامى لانة بيكون شخصيات قادرة على الحديث

بكل اقناع عنه وتتحدث بكل الحب والرئفة والرحمة

انا شوفت كتير اناس فى فترة 8 شهور وكنت فى صراع كبير جداا

وفى النهاية وجدت انى على الطريق الصحيح

واحنا فى المسجدطبعا كلنا مبسوطين جداا وصلينا ركعتين شكر لله

الحمد لله وسمعنا خطبة من امام المسجد كانت رائعه

وشجعنا فيها ووزع علينا مصاحف من المسجد تعبير عن الشكر مع اننا مش محتاجين اى شكر

بس سيبنا المصاحف تانى فى المقرأة

لا تتخيلوا قمة السعادة الى احنا فيها

ان ربنا استخدمنا وقدرنا نعمل حاجة ونكون سبب فى ان انسانة تدخل الدين الاسلامى

اللهم اعز الدين الاسلامى والمسلمين

اللهم اعز الدين الاسلامى والمسلمين

اعظم دين هو الدين الاسلامى لانة بيكون شخصيات قادرة على الحديث

يجد الف الف شكر ليك على الموضوع الجميل
دام تميزك يابرنس والله جميل
100 نقطه ياباشا

[ندعوك للتسجيل في المنتدى أو التعريف بنفسك لمعاينة هذه الصورة]

» انا حبيت ولا ايه!!!!!!!!!!!
» كلمات البوم شيرين - حبيت 2009
» بمناسبة زمان ورمضان حبيت اشاركم احساس الماضى